വൈബ്രന്റ് ബിൽഡ്കോൺ 2025 പിയൂഷ് ഗോയൽ ഉദ്ഘാടനം ചെയ്യും
ന്യൂഡൽഹി: ഇന്ത്യയിലെ ഏറ്റവും വലിയ കെട്ടിട നിർമ്മാണ സാമഗ്രികളുടെ പ്രദർശനമായ വൈബ്രന്റ് ബിൽഡ്കോൺ 2025, ഏപ്രിൽ 13 ന് വാണിജ്യ വ്യവസായ മന്ത്രി ശ്രീ പിയൂഷ് ഗോയൽ ഉദ്ഘാടനം ചെയ്യും. 27,000 ചതുരശ്ര മീറ്റർ വിസ്തൃതിയുള്ള വിശാലമായ പ്രദർശന മേഖലയിൽ 250-ലധികം പ്രദർശകരും, 50,000-ത്തിലധികം സന്ദർശകരും, 700-ലധികം അന്താരാഷ്ട്ര ഉപഭോക്താക്കളും പങ്കെടുക്കും.
യുഎസ്എ, മെക്സിക്കോ, ബ്രസീൽ, യുകെ, സ്പെയിൻ, യുഎഇ, വടക്കേ അമേരിക്ക, ലാറ്റിൻ അമേരിക്ക, യൂറോപ്പ്, ആഫ്രിക്ക, തെക്കുകിഴക്കൻ ഏഷ്യ തുടങ്ങി 60-ലധികം രാജ്യങ്ങളിൽ നിന്നുള്ള ഉപഭോക്താക്കളാണ് എക്സ്പോയിൽ എത്തുന്നത്. സമാനതകളില്ലാത്ത കയറ്റുമതി, ഒഇഎം, സംരംഭ അവസരങ്ങൾ എന്നിവയാണ് ഇന്ത്യൻ നിർമ്മാതാക്കൾക്ക് ഇതിലൂടെ സാധ്യമാകുന്നത്.
