Breaking News

എസ് പി ബിക്കു സംഗീതാർച്ചനയുമായി സരിഗമപ താരങ്ങൾ: സ്പെഷ്യൽ എപ്പിസോഡ് ജൂൺ 5 രാത്രി 9 മണിക്ക് സീ കേരളം ചാനലിൽ

കൊച്ചി : മൺമറഞ്ഞു പോയ ഗായകപ്രതിഭ എസ് പി ബാലസുബ്രമണ്യത്തിന്റെ എഴുപത്തഞ്ചാം ജന്മദിനത്തിൽ സംഗീതാർച്ചനയുമായി  സരിഗമപ കേരളം ലിറ്റില്‍ ചാംപ്‌സ് താരങ്ങള്‍. പതിറ്റാണ്ടുകൾ നീണ്ട അദ്ദേഹത്തിന്റെ സംഗീതസപര്യയിലെ മികച്ച ഗാനങ്ങൾ കോർത്തിണക്കിയാണ്  മലയാളികളുടെ ഇഷ്ടവിനോദ ചാനലായ സീ കേരളത്തിലെ സരിഗമപ കേരളം ലിറ്റില്‍ ചാംപ്‌സ് താരങ്ങള്‍ ഈ ചെറുവീഡിയോ അവതരിപ്പിച്ചിരിക്കുന്നത്.  ധനിക, നിയ ചാർലി, മുഹമ്മദ് മിഷാൽ, അനുശ്രീ, സഞ്ജയ് സുരേഷ്, ആവണി, ആര്യൻ എന്നിവരടങ്ങിയ പ്രേക്ഷകരുടെ പ്രിയഗായകരാണ്  ഈ വീഡിയോയിലുള്ളത്.

ചുരുങ്ങിയ കാലം കൊണ്ട് മലയാളികളുടെ മനസ്സിലിടം നേടിയ സീ കേരളത്തിലെ സരിഗമപ കേരളം ലിറ്റില്‍ ചാംപ്‌സ് ഇതിനകം കുട്ടി ഗായകരുടെ മാസ്മരിക പ്രകടനം കൊണ്ട് ഏറെ പ്രേക്ഷകശ്രദ്ധ നേടിയിട്ടുണ്ട്.  ബ്ലൈന്‍ഡ് ഓഡിഷനിലൂടെ തിരഞ്ഞെടുക്കപ്പെട്ട ഒരു കൂട്ടം  കഴിവുറ്റ കുട്ടി ഗായകരാണ് ഈ പരിപാടിയിലുള്ളത്.

കാലത്തിനതീതമായി ഇന്നും ജനലക്ഷങ്ങളുടെ ഹൃദയങ്ങളില്‍ മായാത്ത അടയാളമായി തങ്ങിനില്‍ക്കുന്ന മരണമില്ലാത്ത ആ  അഭൗമ ശബ്ദത്തിന്റെ  ഉടമയ്ക്ക് സരിഗമപ കേരളം വേദിയിൽ ഗാനാഞ്ജലി അർപ്പിക്കും .സുജാത മോഹൻ, ഗോപി സുന്ദർ,ഷാൻ റഹ്മാൻ എന്നീ  വിധികർത്താക്കൾക്കൊപ്പം  11 ജൂറി അംഗങ്ങളും അവരവരുടെ വീടുകളിൽ നിന്നും നേരിട്ട് പ്രേക്ഷകരിലേക്കെത്തുന്ന സ്പെഷ്യൽ എപ്പിസോഡ് ജൂൺ 5 രാത്രി 9 മണിക്ക് സീ കേരളം ചാനലിൽ സംപ്രേക്ഷണം ചെയ്യും.

Leave a Reply

Your email address will not be published. Required fields are marked *