ഒരു കോടിയിലേറെ രൂപ ചെലവഴിച്ച് നിർമ്മിച്ച ബഹുനില മന്ദിരത്തിന്റെയും ആചാര്യ സ്മൃതി മണ്ഡപത്തിന്റെയും ഉദ്ഘാടനം
കാട്ടാക്കട:കാട്ടാക്കട താലൂക്ക് എൻ.എസ്.എസ് കരയോഗ യൂണിയൻ കാട്ടാക്കടയിൽ ഒരു കോടിയിലേറെ രൂപ ചെലവഴിച്ച് നിർമ്മിച്ച ബഹുനില മന്ദിരത്തിന്റെയും ആചാര്യ സ്മൃതി മണ്ഡപത്തിന്റെയും ഉദ്ഘാടനം എൻ.എസ്.എസ് എക്സിക്യുട്ടീവ് അംഗവും തിരുവനന്തപുരം യൂണിയൻ പ്രസിഡന്റുമായ എം.സംഗീത് കുമാർ നിർവഹിച്ചു.താലൂക്ക് യൂണിയൻ പ്രസിഡന്റ് ബി.ചന്ദ്രശേഖരൻ നായർ അദ്ധ്യക്ഷത വഹിച്ചു.
ചിറയിൻകീഴ് താലൂക്ക് യൂണിയൻ പ്രസിഡന്റ് അഡ്വ.ജി.മധുസൂദനൻപിള്ള,നെടുമങ്ങാട് യൂണിയൻ പ്രസിഡന്റ് അഡ്വ.വി.എ.ബാബുരാജ്,നെയ്യാറ്റിൻകര താലൂക്ക് യൂണിയൻ ചെയർമാൻ പി.എസ്.നാരായണൻ നായർ,പ്രതിനിധി സഭാംഗങ്ങളായ ബാലചന്ദ്രൻ നായർ,രാജഗോപാലൻ നായർ,കാട്ടാക്കട യൂണിയൻ വൈസ് പ്രസിഡന്റ് വാഴിച്ചൽ ഗോപാലകൃഷ്ണൻ നായർ, സെക്രട്ടറി ബി.എസ്.പ്രദീപ് കുമാർ,യൂണിയൻ ഭരണസമിതിയംഗങ്ങളായ എം. മഹേന്ദ്രൻ,ജയകുമാർ,രഘുവരൻ,മുരുകൻ നായർ,നാരായണൻനായർ,ചന്ദ്രബാബു,വിവേകാനന്ദൻ നായർ,പ്രേമചന്ദ്രൻ നായർ എന്നിവർ സംസാരിച്ചു.യൂണിയന് കീഴിലെ 98 കരയോഗങ്ങളിൽ നിന്നും വനിതാസമാജം-പോഷക സംഘടനകൾ, സമുദായ സ്നേഹികളിൽ നിന്നും സ്വരൂപിച്ച തുക കൊണ്ടാണ് താലൂക്ക് യൂണിയന് ആസ്ഥാന മന്ദിരം യാഥാർത്ഥ്യമാക്കിയത്.
