വളർത്തുനായയെ കടത്തി കൊണ്ടുപോയ രണ്ടു പേർ പിടിയിൽ
.
ആര്യനാട്: പോമറേനിയൻ ഇനത്തിൽ പെട്ട വളർത്തുനായയെ കടത്തി കൊണ്ടുപോയ രണ്ടു പേരെ ആര്യനാട് പോലീസ് അറസ്റ്റ് ചെയ്തു.പുനലാൽ ഫിറോസ് ഭവനിൽ ഫിറോഷ്(43),വിമൽ നിവാസിൽ മണിക്കുട്ടൻ(39) എന്നു വിളിക്കുന്ന വിമൽ കുമാറുമാണ് അറസ്റ്റിലായത്. വെള്ളനാട് മിത്രനികേതൻ വെള്ളൂർക്കോണത്ത് താമസിക്കുന്ന വിജയ ദാസിന്റെ വീട്ടിൽ നിന്നും തിങ്കളാഴ്ച രാത്രി അതിക്രമിച്ച് കയറിയ പ്രതികൾ നായയെ സൂക്ഷിച്ചിരുന്ന കൂടിന്റെ പൂട്ട് പൊളിച്ചാണ് മോഷണം നടത്തിയത്.
സുരക്ഷാ ക്യാമറയിൽ പതിഞ്ഞ ദൃശ്യങ്ങളും മൊബൈൽ ടവറും കേന്ദ്രീകരിച്ച് നടത്തിയ അന്വേഷണത്തിലാണ് ഇവർ അറസ്റ്റിലായത്. ആര്യനാട് ഇൻസ്പെക്ടർ ഓഫ് പോലീസ് എൻ.ആർ.ജോസ്,ഇൻസ്പെക്ടർ ശ്രീലാൽ ചന്ദ്രശേഖരനും ചേർന്ന സംഘമാണ് പ്രതിയെ അറസ്റ്റ് ചെയ്തത്. അറസ്റ്റിലായ ഫിറോഷ് ആര്യനാട് പോലീസ് സ്റ്റേഷനിലെ നിരവധി കേസ്സുകളിൽ പ്രതിയാണ്. പ്രതികളെ റിമാൻന്റ് ചെയ്തു.
