സ്ത്രീകളെയും പെൺകുട്ടികളെയും ഉപദ്രവിച്ചതിന് പോലീസ് പിടിയിലായ യുവാവിന്റെ പിതാവും കൊലപാതക ശ്രമത്തിന് അറസ്റ്റിൽ
ആര്യനാട്: സ്ത്രീകളെയും പെൺകുട്ടികളെയും ഉപദ്രവിച്ചതിന് പോലീസ് പിടിയിലായ കുളപ്പട ആശാരിക്കോണം സ്വദേശിയായ സുബീഷിന്റെ പിതാവ് ഉഴമലക്കൽ കുളപ്പട ആശാരിക്കോണം റോഡരികത്ത് വീട്ടിൽ കള്ളൻ ജ്യോതി എന്ന സുനിൽ കുമാർ 42 നെയാണ് ആര്യനാട് പോലീസ് അറസ്റ്റ് ചെയ്തത്. കുളപ്പട സ്വദേശി ദീപുവിനെ ആക്രമിച്ചു കൊലപ്പെടുത്താൻ ശ്രമിച്ചതിനാണ് ഇയാളെ പോലീസ് പിടികൂടിയത്.വ്യാഴാഴ്ച വൈകുന്നേരത്തോടെയായിരുന്നു സംഭവം.രാത്രിയും പകലും ഒരുപോലെ സ്ത്രീകളെയും കുട്ടികളെയും ഉപദ്രവിക്കാനും ഇവർ കുളിക്കുന്നതും മറ്റും ക്യാമറയിൽ രഹസ്യമായി പകർത്തുകയും ചെയ്തു വന്നതിനു സുഭീഷിനെതിരെ റസിഡൻസ് അസോസിയേഷനുകളും നൂറോളം സ്ത്രീകളും ഒപ്പിട്ടു പരാതി നൽകിയിരുന്നു.ഇതിന്റെ അടിസ്ഥാനത്തിലാണ് സുഭീഷിനെ പോലീസ് പിടികൂടി റിമാൻഡ് ചെയ്തത്.എന്നാൽ സുബീഷിനെ പോലീസ് അറസ്റ്റ് ചെയ്യാൻ സഹായിച്ചത് ദീപുവാണെന്ന് ആരോപിച്ചാണ് സുനിൽ കുമാർ ദീപുവിനെ തലക്കടിച്ച് പരിക്കേൽപ്പിച്ചത്. സുനിൽകുമാർ ആര്യനാട് പോലീസ് സ്റ്റേഷനിലെ നിരവധി കേസ്സുകളിൽ പ്രതിയാണ്.
ആര്യനാട് ഇൻസ്പെക്ടർ ഓഫ് പോലീസ് എൻ ആർ ജോസ് .സബ് ഇൻസ്പെക്ടർ ശ്രീലാൽ ചന്ദ്രശേഖരൻ, അജിത് വിക്രമൻ, പോലീസ്സുകരായ മനോജ് , അഖിൽ എന്നിവർ ഉൾപ്പെട്ട സംഘമാണ് പ്രതിയെ അറസ്റ്റ് ചെയ്തത്. ഇയാളെ കോടതി 14 ദിവസത്തേക്ക് റിമാൻഡ് ചെയ്തു.
