വയോധികയുടെ മൃതദേഹം കത്തിക്കരിഞ്ഞ നിലയിൽ കണ്ടെത്തി.
കാട്ടാക്കട:പട്ടകുളം സ്കൂളിന് സമീപം വയോധികയുടെ മൃതദേഹം കത്തിക്കരിഞ്ഞ നിലയിൽ കണ്ടെത്തി.നെയ്യാർ ഡാം പെരുംകുളങ്ങര സ്മിത ഭവനിൽ രാധിക മണി(61)നെയാണ് കത്തിക്കരിഞ്ഞ നിലയിൽ കണ്ടെത്തിയത്. പട്ടകുളം അജിത് വിഹാറിൽ വാടകക്ക് താമസിക്കുകയായിരുന്നു. തിങ്കളാഴ്ച ഉച്ചക്ക് ഒരുമണിയോടെ ആണ് സംഭവം.വാടക വീടിന് സമീപത്തെ പുറത്തെ അടുക്കളയും ഇപ്പോൾ വിറകുപുരയുമായ മുറിയിലാണ് മൃതദേഹം കണ്ടത്.ഈ സമയം മരുമകളും കുഞ്ഞും മാത്രമാണ് വീട്ടിൽ ഉണ്ടായിരുന്നത്.ദേഹത്തു സ്വയം മണ്ണെണ്ണ ഒഴിച്ചു തീകൊളുത്തിയെന്നാണ് പൊലീസ് പറയുന്നത്.
ഇവരുടെ ഭർത്താവും, മകളും മരിച്ചതും ആത്മഹത്യ ചെയ്താണ്.അസുഖങ്ങൾ ഇവരെ അലട്ടിയിരുന്നതായി ബന്ധുക്കൾ പറയുന്നു. .ഭർത്താവ്:പരേതനായ ശശിധരൻ നായർ.മകൻ:ദിലീപ്.മരുമകൾ:ബീന.
