സ്കൂട്ടറിന് വഴി കൊടുക്കുന്നതിനിടെ ടിപ്പർ ലോറി തോട്ടിലേക്ക് മറിഞ്ഞു അപകടം
മലയിൻകീഴ് : ഹോളോബ്രികിസുമായി വന്ന ടിപ്പർ തോട്ടിലേക്ക് മറിഞ്ഞ് ഡ്രൈവറും
ക്ളീനറും അൽഭുതകരമായി രക്ഷപ്പെട്ടു.ശനിയാഴ്ച രാവിലെ 8.30 തോടെ
മച്ചേൽ-കോവിലുവിള ബണ്ട് റോഡിലാണ് സംഭവം.ശബ്ദത്തോടെ തോട്ടിൽ വീണ ടിപ്പറിന്റെ മുൻ
വശത്തെ ഗ്ലാസ് പൊട്ടിച്ചാണ് ഇരുവരും രക്ഷപ്പെട്ടത്. മണപ്പുറം ഭാഗത്ത് നിന്ന് ഹോളോബ്രിക്സുമായി
പോവുകയായിരുന്ന ടിപ്പർ സ്കൂട്ടറിന് കടന്നുപോകാൻ വഴി കൊടുക്കുന്നതിനിടെ ബണ്ട് റോഡ്
ഇടിഞ്ഞ് താഴ്ന്നാണ് അപകടമുണ്ടായത് .
അച്ഛനും മകനുമാണ് ടിപ്പറിലുണ്ടായിരുന്നത്.മകനാണ് ടിപ്പർ ഓടിച്ചിരുന്നത്. എന്നാൽ ഇവരുടെ പേര് വിവരങ്ങൾ നൽകാൻ തയ്യാറായില്ല.കരയ്ക്ക് കയറ്റിയ ടിപ്പർ വൈകുന്നേരത്തോടെ സ്ഥലത്ത് നിന്ന് മാറ്റി.കഴക്കൂട്ടം ആർ.ടി.ഒ.യിലാണ് ടിപ്പർ രജിസ്റ്റർ ചെയ്തിള്ളത്.
