വളർത്തുനായയെ രക്ഷിക്കാൻ കിണറ്റിൽ ഇറങ്ങി അകപ്പെട്ട യുവതിയെ അഗ്നിരക്ഷ സേന കരക്കെത്തിച്ചു.
വിളപ്പിൽശാല
വളർത്തു നായ കിണറ്റിൽ വീണതിനെ തുടർന്ന് രക്ഷപ്പെടുത്താനായി കിണറ്റിൽ ഇറങ്ങി അകപ്പെട്ട യുവതിയെ ഒടുവിൽ അഗ്നിരക്ഷ സേനയെത്തി കരക്കെത്തിച്ചു.വിളപ്പിൽശാല കുണ്ടാമൂഴി കുന്നത് വീട്ടിൽ പാർവതി 25 നെയാണ് കാട്ടാക്കട അഗ്നിരക്ഷ സേന അസിസ്റ്റന്റ് സ്റ്റേഷൻ ഓഫീസർ മുരുകന്റെ നേതൃത്വത്തിൽ ഉള്ള സംഘം രക്ഷപെടുത്തിയത്. വ്യാഴാഴ്ച ഉച്ചയോടെ ആയിരുന്നു സംഭവം .രണ്ടു സാരി കൂട്ടി കെട്ടി കിണറ്റിൽ ഇറങ്ങി നായയെ കരക്ക് കയറ്റി ശേഷം തിരികെ കയറുന്നതിനിടെ പിടിവിട്ട പാർവതി 20 അടിയിലധികം ആഴമുള്ള കിണറ്റിലേക്ക് പോയി മോട്ടറിൽ പിടിച്ചു കിടന്ന യുവതിയെ അഗ്നിരക്ഷ സേന അംഗം മഹേന്ദ്രൻ ആണ് കിണറ്റിൽ ഇറങ്ങി കരക്ക് കയറ്റിയത്.കൈക്കും കാലിനും പരുക്കേറ്റ യുവതിയെ വിളപ്പിൽശാല ആശുപത്രിയിൽ അഗ്നിരക്ഷ സേന എത്തിച്ചു.
ഫയർ ആൻഡ് റസ്ക്യു ഉദ്യോഗസ്ഥരായ, സജു,അനിൽകുമാർ,വിനു, ഡിനുമോൻ,സജീവ് രാജ് എന്നിവരുൾപ്പെട്ട സംഘമാണ് രക്ഷാപ്രവർത്തനതിന് എത്തിയത്.
