ജോയിന്റ് കൗൺസിൽ കാട്ടാക്കട മേഖലാ സമ്മേളനം ശനിയാഴ്ച
കാട്ടാക്കട : ജോയിന്റ് കൗൺസിൽ കാട്ടാക്കട മേഖലാ സമ്മേളനം ശനിയാഴ്ച കുളത്തുമ്മൽ ഗവ. എൽ.പി.എസ്. ആഡിറ്റോറിയത്തിൽ നടക്കും. രാവിലെ 10ന് പതാക ഉയർത്തൽ തുടർന്ന് 10.30 മണിക്ക് സമ്മേളനം ജോയിന്റ് കൗൺസിൽ ജനറൽ സെക്രട്ടറി ജയശ്ചന്ദ്രൻ കല്ലിംഗൽ ഉദ്ഘാടനം ചെയ്യും. മേഖലാ പ്രസിഡന്റ് ജെ. പ്രേമനൻ അധ്യക്ഷത വഹിക്കും.
ജോയിന്റ് കൗൺസിൽ സംസ്ഥാന കമ്മിറ്റി അംഗം യു. സിന്ധു, സൗത്ത് ജില്ലാ സെക്രട്ടറി എസ്. അജയകുമാർ, ജില്ലാ വൈസ് പ്രസിഡണ്ട് എസ് ജയരാജ്, സൗത്ത് ജില്ലാ വനിതാ കമ്മിറ്റി സെക്രട്ടറി ഒ.വി. ദീപ എന്നിവർ സംസാരിക്കും. മേഖലാ സെക്രട്ടറി ഡി. കുമാർ പ്രവർത്തന റിപ്പോർട്ട് അവതരിപ്പിക്കും.
ഉച്ചയ്ക്കുശേഷം പ്രവർത്തന റിപ്പോർട്ടിന്മേലുള്ള ചർച്ച, മറുപടി, പ്രമേയ അവതരണം, പുതിയ മേഖലാ ഭാരവാഹികളുടെ തെരഞ്ഞെടുപ്പ് എന്നിവ നടക്കും.
