10 ലക്ഷം രൂപ കെ എസ് ഇ ബി ധനസഹായം മന്ത്രി.കെ കൃഷ്ണൻകുട്ടി കൈമാറി.
പേയാട്:
പെയിറ്റിംഗ് ജോലിക്കിടെ മലയിൻകീഴ് കോളച്ചിറയിൽ 11കെവി ലയിനിലേക്ക് വഴുതി വീണു വൈദ്യതാഘാതമേറ്റ് വലതു കൈ പൂർണ്ണമായി നഷ്ടപ്പെട്ട പേയാട് , ചെറുകോട് , ചെറ്റടിത്തലക്കൽ വീട്ടിൽ അനിൽകുമാറിന് വകുപ്പ് മന്ത്രി കെ കൃഷ്ണൻ കുട്ടി കെ എസ് ഈ ബിയുടെ പത്തു ലക്ഷം ധനസഹായം നൽകി.കുടുംബത്തിന്റെ പ്രത്യേക പശ്ചാത്തലം പരിഗണിച്ചാണ് ഇത്തരത്തിൽ ധനസഹായം നൽകാൻ ബോർഡ് തീരുമാനിച്ചതെന്ന് മന്ത്രി കെ. കൃഷ്ണൻകുട്ടി പറഞ്ഞു. കൂടാതെ ഇത്തരത്തിലുള്ള അപകടങ്ങൾ ഒഴിവാക്കാൻ ബോധവൽക്കരണം നൽകണമെന്നും മന്ത്രി പറഞ്ഞു.
അനിൽകുമാറും ബധിരയും മൂകയുമായ ഭാര്യയും, വിദ്യാർത്ഥിനികളായ രണ്ട് പെണ്മകളുമുൾപ്പെടുന്ന നിർധന കുടുംബമാണ് . ഈ നിസ്സഹായാവസ്ഥ മനസ്സിലാക്കിയാണ് അനില്കുമാറിന് 2 ലക്ഷവും മക്കൾക്ക് 4 ലക്ഷം വീതവും ധനസഹായം നൽകുവാൻ കെ എസ് ഇ ബി തീരുമാനിച്ചത്. ധനസഹായം അനിൽകുമാറിന്റെ വസതിയിൽ എത്തിയാണ് മന്ത്രി നൽകിയത്. കാട്ടാക്കട എം എൽ എ ഐ ബി സതീഷ്, ജില്ലാ പഞ്ചായത്ത് അംഗം വിളപ്പിൽ രാധാകൃഷ്ണൻ, വിളപ്പിൽ ഗ്രാമപഞ്ചായത്ത് വൈസ് പ്രസിഡന്റ് ഡി ഷാജി കെ എസ് ഈ ബി ഉദ്യോഗസ്ഥർ ഉൾപ്പെടെയുള്ളവരുടെ സാന്നിധ്യത്തിൽ ആണ് തുക കൈമാറിയത് .
