കോഴികളെ കൂട്ടത്തോടെ ചത്ത നിലയിൽ കണ്ടെത്തി. തെരുവ് നായയുടെ ആക്രമണം ആയിരിക്കാം എന്ന് ഉടമ
കാട്ടാക്കട: കോഴി ഫാമിലെ ആയിരത്തോളം കോഴികളെ കൂട്ടത്തോടെ എത്തിയ തെരുവുനായകൾ കടിച്ചുകൊന്നതായി ഉടമ .കുറ്റിച്ചൽ കാര്യോട് മിനി സദനത്തിൽ രാജപ്പൻ നായരുടെ ഫാമിലെ കോഴികളാണ് രാവിലെ തീറ്റ നൽകാൻ എത്തിയപ്പോൾ ചത്ത് കിടക്കുന്നത് കണ്ടത്.55 ദിവസം പ്രായമുള്ള കോഴികളാണ് ചത്തത്. കോഴികള് രണ്ടുകിലോ യിലേറെ തുക്കമെത്തിയിരുന്നു. രണ്ടു ലക്ഷത്തിലധികം രൂപയുടെ നഷ്ട്ടം ഉണ്ടായതായും ഉടമ പറയുന്നു. കനംകുറഞ്ഞ ഇരുമ്പുവലയും പ്ലസ്റ്റിക്ക് വലയുമാണ് കോഴികൾക്ക് സുരക്ഷയ്ക്കായി ചുറ്റിനും കെട്ടിയിരുന്നത്.വലകൾ മുറിച്ച നിലയിലായിരുന്നു എന്ന് ഫാമുടമ രാജപ്പൻ നായർ പറഞ്ഞു.
വായ്പ എടുത്തും ആഭരണങ്ങള് പണയപ്പെടുത്തിയും ആണ് കോഴിവളർത്തൽ ആരംഭിച്ചത് .ഇതിപ്പോൾ ബാധ്യതയിൽ ആയിരിക്കുന്നുപ്രദേശത്തു തെരുവുനായ്ക്കളുടെ ശല്യം രൂക്ഷമാണ് ഇവയാകാം കോഴികളെ കൊന്നത് എന്നാണ് രാജപ്പൻ നായരുടെ നിഗമനം. മൃഗാശുപത്രിയിൽ നിന്നും ഡോക്ടർ എത്തി കോഴികളെ പോസ്റ്റ്മോർട്ടം നടത്തി.ഇവയെ പിന്നീട് കുഴിയെടുത്തു മൂടിയതായും രാജപ്പൻനായർ പറഞ്ഞു .
