പോഷകാഹാര സുരക്ഷാ മിത്രാനികേതൻ ലോക ഭക്ഷ്യദിനം ആചരിച്ചു.
വെള്ളനാട്:വെള്ളനാട് മിത്രനികേതൻ കൃഷി വിജ്ഞാന കേന്ദ്രത്തിൽ ലോക ഭക്ഷ്യദിനം ആചരിച്ചു. ‘ പോഷക ആഹാര സുരക്ഷ – ഭക്ഷ്യ വസ്തുക്കളിലെ മായം ചേർക്കൽ’ എന്ന വിഷയത്തെ ആസ്പദമാക്കി ആരോഗ്യകരമായ ജീവിതത്തിന് ആവശ്യമായ ദിനചര്യകളും പോഷക ആഹാരങ്ങളുടെ പ്രാധാന്യവും, ഭക്ഷണത്തിൽ മായം ചേർക്കുന്നത് ആരോഗ്യത്തെ ദോഷകരമായി എങ്ങനെ ബാധിക്കുമെന്നും അതുവഴി ബാധിച്ചേക്കാവുന്ന രോഗാവസ്ഥകളെ കുറിച്ചും മിത്രനികേതൻ കൃഷി വിജ്ഞാന കേന്ദ്രം ഹോം സയൻസ് സ്പെഷ്യലിസ്റ് ഡോ.ദേവിക ഐ. അവബോധ ക്ലാസ് നടത്തി. 1945 ല് രൂപീകൃതമായ ഐക്യരാഷ്ട്രസഭയുടെ ഭക്ഷ്യ കാര്ഷിക സംഘടന ആണ് ഒക്ടോബര് 16 ഭക്ഷ്യ ദിനമായി ആചരിക്കുന്നത്.കോവിഡ് മാനദണ്ഡങ്ങൾ പാലിച്ചായിരുന്നു പരിപാടി സംഘടിപ്പിച്ചത്.
