ജാഗ്രത നിർദ്ദേശം നൽകി പഞ്ചായത്ത് പ്രസിഡന്റ്
നെയ്യാർ ഡാം ഷട്ടറുകൾ തുറന്ന സാഹചര്യത്തിൽ കള്ളിക്കാട് ഗ്രാമപഞ്ചായത്തിൽ ചാമവിളപുരം മഞ്ചാടിമൂഡ്, കള്ളിക്കാട് തുടങ്ങിയ വാർഡുകളിൽ വെള്ളം കയറിയ ഇടങ്ങളിൽ കള്ളിക്കാട് ഗ്രാമ പാഞ്ചായത് പ്രസിഡന്റ് പന്ത ശ്രീകുമാറിന്റെ നേതൃത്വത്തിൽ പഞ്ചായത്ത് അംഗങ്ങളായ എൽ സാനുമതി ,ആർ വിജയൻ ,ദിലീപ് കുമാർ എന്നിവർ സന്ദർശനം നടത്തി.മഴവെള്ളം കയറിയ ഇടങ്ങളിൽ വീടുകൾ തോറും എത്തി ആളുകളെ മാറി താമസിക്കാനും ആടുമാടുകളെ മാറ്റി കെട്ടാനും നിർദേശം നൽകുകയും ആവശ്യമായ നടപടികൾ സ്വീകരിക്കുകയും ചെയ്തു.
ഇതു കൂടാതെ പഞ്ചായത്തിൽ വാഹനത്തിൽ മുന്നറിയിപ്പ് സന്ദേശം അറിയിച്ചു കൊണ്ടുള്ള പ്രവർത്തനവും നടക്കുന്നുണ്ട്.ഇതു കൂടാതെ വാട്സ് ആപ് സന്ദേശം അയച്ചും ആളുകൾക്ക് മുന്നറിയിപ്പ് നൽകുകയാണ്.
അടിയന്തിര സാഹചര്യങ്ങൾ മറികടക്കാൻ ജാഗ്രതയും മുന്നൊരുക്കങ്ങളും നടത്തുന്നതായി പഞ്ചായത്ത് പ്രസിഡന്റ് പറഞ്ഞു.
