വീട് ആക്രമിച്ച കേസിൽ പ്രധാന പ്രതി പിടിയിലായി
കോട്ടൂരിൽ വീട് ആക്രമിച്ച കേസിൽ ഒളിവിൽ കഴിഞ്ഞിരുന്ന പ്രധാന പ്രതി നെയ്യാർഡാം പോലീസിന്റെ പിടിയിലായി. കോട്ടൂർ നാരകത്തിന്മൂട് കുഴിവിളാകത്ത് വീട്ടിൽ മുഹമ്മദ് ജാസി(23) നെയാണ് ഇൻസ്പെക്ടർ ബിജോയിയുടെ നേതൃത്വത്തിലുള്ള പോലീസ് സംഘം പിടികൂടിയത് . കണിയാപുരം ചിറ്റാറ്റുമുക്ക് സ്വദേശിയായ ഇയാൾ കോട്ടൂരിലാണ് താമസം.
ജൂലായ് 15- നാണു നാരകത്തിൻകുഴി പള്ളിവിള ഹൗസില് ബദറുദീന്റെ വീടിനുനേരെ കഞ്ചാവ് മാഫിയ സംഘം ആക്രമണം നടത്തിയത്. ഈ കേസിലെ പ്രധാനിയാണ്ഇയാളെന്ന് പോലീസ് പറഞ്ഞു. കഞ്ചാവ് വിൽപന സംഘത്തെക്കുറിച്ച് പൊലീസിന് മൊഴി നൽകി എന്നാരോപിച്ചാണ് ബദറുദീന്റെ വീട്ടിൽ ഇയാളുൾപ്പെടുന്ന സംഘം ആക്രമണം നടത്തിയത്. അടുത്ത ദിവസം ഇതേ സംഘം കോട്ടൂർ വ്ളാവെട്ടി പ്രദേശങ്ങളിലായി രണ്ടു വീടുകൾ കൂടി അടിച്ചു തകർക്കുകയും, പോലീസിനെ ആക്രമിക്കുകയും ചെയ്തിരുന്നു. പ്രതിയെ കാട്ടാക്കട കോടതിയിൽ ഹാജരാക്കി റിമാൻഡ് ചെയ്തു
