എം ഡി എം എയുമായി പിടിയിൽ
കാട്ടാക്കട : മാരക മയക്കുമരുന്ന് വിഭാഗത്തിൽപെട്ട എംഡിഎംഎ(മെത്തലീൻ ഡയോക്സിV മെത്താംഫീറ്റമിൻ)യുമായി യുവാവ് എക്സൈസ് പിടിയിലായി. ആമച്ചൽ,മംഗലക്കൽ നന്ദാവനം കുളിർമ വീട്ടിൽ രാജഗോപാൽ മകൻ മനു എന്ന അഭിജിത് 20 നെയാണ് അറസ്റ്റ് ചെയ്തത്.ഇയാളിൽ നിന്നും 7.05 ഗ്രാം എംഡിഎംഎയാണ് ഇയാളിൽ നിന്ന് പിടിച്ചെടുത്തത്. ബുധനാഴ്ച രാത്രിയോടെ ആമച്ചൽ ഭാഗത്തു ഇയാൾ എംഡിഎം.എ കടത്തുകയായിരുന്ന KL74 B 6388 നമ്പറുള്ള R15 ബൈക്കും എക്സൈസ് കസ്റ്റഡിയിൽ എടുത്തിട്ടുണ്ട്. പിടിച്ചെടുത്ത എംഡിഎംഎയ്ക്ക് വിപണിയിൽ ഗ്രാമിനു നാലായിരത്തോളം രൂപ വില മതിക്കുന്നതാണ്. എൻഡിപിഎസ് പ്രകാരം കേസ് രജിസ്റ്റർ ചെയ്തു പ്രതിയെ കോടതിയിൽ ഹാജരാക്കി. ദിവസങ്ങളായി ഉള്ള നിരീക്ഷണത്തിനൊടുവിലാണ് ഇയാൾ പിടിയിലായത്.
കാട്ടാക്കട റേഞ്ച് ഇൻസ്പെക്ടർ എ.നവാസിന്റെ നേതൃത്വത്തിൽ പ്രിവെന്റീവ് ഓഫീസർമാരായ കെ എസ് ജയകുമാർ, വി ഗിരീഷ് സിവിൽ എക്സൈസ് ഓഫീസർമാരായ റ്റി വിനോദ്, കെആർ രജിത്ത്,ശ്രീജിത്ത്.എം, വിനോദ്കുമാർ, സാധുൻ പ്രഭദാസ്, മണികണ്ഠൻ, ഷിന്റോ എബ്രഹാം, ജിഷ്ണു എസ് പി , അഭിലാഷ് വി എസ്, വനിതാ സിവിൽ എക്സൈസ് ഓഫീസർമാരായ അനിത.കെ, അശ്വതി. വി, വിവ. ഐ വി, ഡ്രൈവർ അനിൽകുമാർ എന്നിവരടങ്ങിയ സംഘമാണ് അറസ്റ്റ് ചെയ്തത്.
