നഗരസഭയിൽ എൽ ഡി എഫിന് വിജയം
നെടുമങ്ങാട് നഗരസഭയിലെ പതിനേഴാം വാർഡിലെ ഇന്നലെ നടന്ന ഉപതെരഞ്ഞെടുപ്പിൽ 94 വോട്ടിന് ഇടതു സ്ഥാനാർഥി വിദ്യവിജയൻ വിജയിച്ചു. യുഡിഎഫിന്റെ ഗീതാവിജയൻ 457 വോട്ടും ബിജെപി യുടെ രാമ ടീച്ചർ 54 വോട്ടുമാണ് നേടിയത്. കഴിഞ്ഞ തവണ എൽ ഡി എഫിന് 358, യു ഡി എഫ് 348, ബിജെപി 114 വോട്ടുമാണ് ലഭിച്ചിരുന്നത്.വീണ്ടും വിജയം എൽഡിഎഫ് നു ആയതോടെ നഗരസഭ കക്ഷിനില എൽഡിഎഫ് 27,യു ഡി എഫ് 8, ബിജെപി 4 എന്നിങ്ങനെയാണ്.
ഇന്നലെ നടന്ന ഉപതെരഞ്ഞെടുപ്പിൽ1064 പേര് വോട്ടു ചെയ്തു.
82% വോട്ട് ആണ് രേഖപ്പെടുത്തിയിരുന്നത്.
മുൻ വാർഡ് മെമ്പർ ഗിരിജാ വിജയൻ കോവിഡ് ബാധിച്ച് മരിച്ചതിനെ തുടർന്നാണ് ഉപതെരഞ്ഞടുപ്പ് വേണ്ടി വന്നത്. കഴിഞ്ഞ തവണ പത്തു വോട്ടിന്റെ ഭൂരിപക്ഷം എന്നത് ഇത്തവണ 94 ആയി എൽഡിഎഫ് വർധിപ്പിച്ചു.
