പ്രവാസിയെ കിണറ്റിൽ മരിച്ചനിലയിൽ കണ്ടെത്തി.
കാട്ടാക്കട:
കാട്ടാക്കട കീഴ്വാണ്ടയിൽ പ്രവാസിയെ കിണറ്റിൽ മരിച്ച നിലയിൽ കണ്ടെത്തി. കല്ലമ്പലം മണമ്പൂർ നീറുവിള സൂര്യ ഭവനിൽ സുനിൽ കുമാർ 33 നെയാണ് ഭാര്യയുടെ സാഹോദരിയുടെ വീട്ടിലെ കിണറ്റിൽ തിങ്കളാഴ്ച രാവിലെയോടെ കണ്ടെത്തിയത്. ഞായറാഴ്ച രാത്രി മുതൽ കാണാതായ ഇയാളെ അന്വേഷിക്കുന്നതിനിടെയാണ് കിണറ്റിനു സമീപത്തായി ബൈക്കിൽ മൊബൈലും ബൈക്കിനു കീഴിൽ ചെരിപ്പും കണ്ടത്.തുടർന്നുള്ള പരിശോധനയിൽ ആണ് കിണറ്റിൽ മൃതദേഹം കണ്ടെത്തിയത്. സുനിൽ കുമാറും ഭാര്യ പ്രമോഷയും വിദേശത്തായിരുന്നു. അടുത്തിടെ നാട്ടിൽ വന്ന ഇവർ മകനെ സ്കൂൾ അഡ്മിഷന് വേണ്ടിയാണ് ഭാര്യ സഹോദരി അനുവിന്റെയും ഭർത്താവ് പ്രശാന്തിന്റെയും കീഴ്വാണ്ട മുതയൽ കുന്നു പ്രശാന്ത് ഭവനിൽ കഴിഞ്ഞ ദിവസം എത്തിയത് . ഞായറാഴ്ച രാത്രി സമീപ ക്ഷേത്രത്തിൽ ഉത്സവത്തിന് സുനില്കുമാറും ഭാര്യയും പോയിരുന്നു.ശേഷം രാത്രിയോടെ ഇയാളെ കാണാതായി.ഇടക്ക് ഇയാൾ കാര്യമായി മദ്യപിക്കുകയും ചെയ്തു.ഭാര്യ സഹോദരിയുടെ വീട്ടിൽ മറ്റാരും ഉണ്ടായിരുന്നില്ല.രാത്രി വീട്ടിൽ തിരികെ എത്തിയിട്ടും സുനില്കുമാറിനെ വൈകിയും കാണാതായതോടെയാണ് അന്വേഷിച്ചു തുടങ്ങിയത്.പിന്നീട് മൃതദേഹം കണ്ടെത്തുകയായിരുന്നു.സംഭത്തെ കുറിച്ചു പോലീസ് അന്വേഷിക്കുന്നു.
