നെടുമങ്ങാട് പോലീസ് സ്റ്റേഷനിൽ പോലീസിന് നേരെ ആക്രമണം. മദ്യലഹരിയിലായിരുന്ന യുവാവിന്റെ അതിക്രമം
നെടുമങ്ങാട്: നെടുമങ്ങാട് പോലീസ് സ്റ്റേഷനിൽ പൊലീസിന് നേരെ മദ്യലഹരിയിൽ യുവാവിന്റെ അതിക്രമം. നെടുമങ്ങാട് നെട്ട സ്വദേശി അക്ഷയ് (23) ആണ് അതികരമാം നടത്തിയത് .നെടുമങ്ങാട് കുളവികോണത്ത് മദ്യലഹരിയിൽ വസ്ത്രശാലയിൽ കയറി ജീവനക്കാരെ അസഭ്യം പറഞ്ഞതിനെ തുടർന്ന് കടയുടമ പോലീസിൽ വിവരം അറിയിക്കുകയും തുടർന്ന് പോലീസ് സ്ഥലത്ത് എത്തി അക്ഷയെ കസ്റ്റഡിയിൽ എടുത്തു സ്റ്റേഷനിൽ കൊണ്ടുവന്നു .സ്റ്റേഷനിൽ വച്ച് പ്രകോപിതനായ അക്ഷയ് ജി ഡി ചാർജ് വഹിക്കുന്ന പോലീസുകാരനെ കയ്യേറ്റം ചെയ്യുകയായിരുന്നു. പേരും വിലാസവും ചോദിച്ചു മനസിലാക്കുന്നതിനിടെയാണ് ഇയാൾ പ്രകോപിതനായത്.അതിക്രമം തടയാനെത്തിയ എ എസ് ഐയെയും മറ്റു പോലീസുകാരെയും ഇയാൾ കടന്നാക്രമിച്ചു.തുടർന്ന് ഇവിടേയ്ക്ക് എത്തിയ എത്തിയ സി.ഐ യെയും കൈയേറ്റം ചെയ്യാൻ ഇയാൾ ശ്രമിച്ചു.വളരെ പണിപ്പെട്ടു കീഴടക്കിയ പ്രതിയുടെ പേരിൽ
ജി ഡി പോലീസുകാരന്റെ പരാതിയുടെ അടിസ്ഥാനത്തിലും കേസ് എടുത്തു.പൊതു സ്ഥലത്തുനിന്ന് മദ്യപിച്ച് ബഹളം ഉണ്ടാക്കൽ, പോലീസിൻറെ കൃത്യനിർവഹണം തടസ്സപ്പെടുത്തൽ, സ്റ്റേഷനിൽ ആക്രമണം തുടങ്ങി വിവിധ വകുപ്പുകൾ ചേർത്താണ് അറസ്റ്റ്. പ്രതിയെ നെടുമങ്ങാട് കോടതിയിൽ ഹാജരാക്കി റിമാൻഡ് ചെയ്തു
