പട്ടാപകൽ വീടിനു മുകളിൽ കിടന്ന ഷീറ്റു മോഷ്ടിച്ചു യുവാക്കൾ കടന്നു സി സി ടി വി ദൃശ്യങ്ങൾ കേന്ദ്രീകരിച്ചു അന്വേഷണം
കാട്ടാക്കട: പട്ടാപകൽ വീടിനു മുകളിൽ കിടന്ന ഷീറ്റു മോഷ്ടിച്ചു യുവാക്കൾ കടന്നു സി സി ടി വി ദൃശ്യങ്ങൾ കേന്ദ്രീകരിച്ചു അന്വേഷണം. കാട്ടാക്കട പന്നിയോട് മുള്ളംകുഴി വീട്ടിൽ അജികുമാറി(സുധീർ)ന്റെ വീടിന്റെ മുകളിൽ നിന്നുമാണ് മുപ്പതു കിലോയോളം ഷീറ്റ് കവർന്നത് .തിങ്കളാഴ്ച രാവിലെ 9നും 10നും ഇടയിലായിരുന്നു സംഭവം.അടുത്തടുത്ത വീടുകൾക്കിടയിലൂടെ കയറിയ കള്ളൻമ്മാർ മതിൽ കടന്നു വീടിന്റെ മുകളിൽ എത്തിയാണ് മോഷണം നടത്തിയത്.
ഇരുചക്ര വാഹനത്തിൽ എത്തിയ രണ്ടു യുവാക്കളാണ് മിഷവും നടത്തിയാൽ. ഒരാൾ മതിൽ കടന്നു ടെറസ്സിൽ കയറി ഷീറ്റുകൾ കെട്ടി താഴെ എത്തിക്കുകയും ഒരാൾ ബൈക്കിൽ ഇരുന്നു പരിസരം വീക്ഷിക്കുന്ന സി സി ടി വി ദൃശ്യങ്ങളുമാണ് മോഷ്ട്ടാക്കളെ തിരിച്ചറിയാൻ സഹായിച്ചത്. 300കിലോയോളം വരുന്ന ഷീറ്റുകൾ ഇവിടെ ഉണ്ടായിരുന്നതായും ഇതിൽ നിന്നും 30കിലോയോളം ഷീറ്റുകളാണ് മോഷണം പോയതെന്നും അജികുമാർ കാട്ടാക്കട പൊലീസിൽ നൽകിയ പരാതിയിൽ പറയുന്നു.കാട്ടാക്കട പൊലീസ് സ്ഥലത്തെത്തി തെളിവെടുത്തു.
