മധ്യവയസ്കയെ വീടിനുള്ളിൽ മരിച്ച നിലയിൽ കണ്ടെത്തി
മലയിൻകീഴ് : മധ്യവയസ്കയെ വീടിനുള്ളിൽ മരിച്ചനിലയിൽ കണ്ടെത്തി. മലയിൻകീഴ് മലയം ചൂഴാറ്റുകോട്ട വിപിൻ നിവാസിൽ ശ്രീലത (55) ആണ് മരിച്ചത്. 2 ദിവസം മുമ്പ് പനി ബാധിച്ചതിനാൽ വീടിനുള്ളിൽ വിശ്രമത്തിലായിരുന്നു. ഉച്ചയ്ക്ക് രണ്ടര മണിയോടെ ഓട്ടോ ഡ്രൈവറായ ഭർത്താവ് വിജയകുമാർ ജോലി കഴിഞ്ഞ് വീട്ടിൽ എത്തുമ്പോഴാണ് ഇവരെ കുഴഞ്ഞുവീണ നിലയിൽ ബോധരഹിതയായി കണ്ടെത്തുന്നത്. ഉടൻതന്നെ ശാന്തിവിള താലൂക്ക് ആശുപത്രിയിലെത്തിചെങ്കിലും മരണം സംഭവിച്ചിരുന്നു. മക്കൾ: വിപിൻ, വിജിത്ത്. മരുമകൾ: ശ്രീഭദ്ര. മൃതദേഹം തിരുവനന്തപുരം മെഡിക്കൽ കോളേജ് ആശുപത്രി മോർച്ചറിയിൽ സൂക്ഷിച്ചിട്ടുണ്ട്. അസ്വാഭാവിക മരണത്തിന് മലയിൻകീഴ് പോലീസ് കേസെടുത്തു
